點解要清數？
清數除咗可以集中供款之外，透過我哋度身訂造嘅計劃，貸款評級亦會提升。而且我哋唔係一般嘅清數公司，我哋係會針對式地處理你嘅債務情況，從而用最低成本得到最大效果。
點解我唔揾AI 清數要揾你哋？
好簡單一樣野，AI 就係一個程式， 符合佢嘅資格就可以，但係大部份嘅債務人都有不同嘅故事不同嘅問題，一個普通嘅電腦程式能夠可以處理晒所有人複雜嘅債務問題嗎？AI 係會用一個好快嘅速度去決定批或者唔批（再者表面上話係AI，其實實質都係一個掩飾以人手去掃走一啲唔想批嘅客），但係我哋嘅優勢係每一個case都由專員用心去處理，用心去了解每一個客人嘅需要同埋客人背後嘅故事，如果值得幫忙的話，財務公司一定幫到底。呢個咁人性化嘅處理，AI係冇可能做得到。
其他公司都話做清數，同你哋有咩分別？
冇錯清數人人都識，但我哋能夠做到除咗清數之外，亦都會深入了解客戶嘅根本問題，幫佢解決到根本嘅問題先至係合適嘅做法，而且我哋嘅清數力度亦都非常強，絕對唔係一般坊間幫你清少少又唔清多多。又或者咩都唔理，清哂TU內所有數咪搞掂？如果咁簡單就唔使揾我哋幫手。加上財務公司一定會關注客人嘅供款能力，絕對唔似其他坊間嘅財務公司，唔理你嘅供款壓力，總言之覺得你還得到就算。我哋嘅方案絕對係一個供得起，治標又治本嘅方案。
我問過你哋就咁清二線數得唔得，但你哋話唔得？
冇錯，因為我哋係一個奇怪嘅平台，只係會用心去幫每一個客人去諗究竟係咪解決到根本嘅問題，如果只係能夠清部份嘅二線數，你只會繼續入不敷支，雪球又會越滾越大，所以我哋一定會制定一個治標又治本方法，同你長遠解決到財政上面嘅困難，我哋先至能夠去幫你做。我哋絕對唔係一般坊間你有生意俾我我一定會幫你做嘅平台，而且我哋亦都唔會唔理個客人死活，唔理個客人究竟供唔供得起，我哋能夠幫到客戶解決根本問題，而客人亦都地承諾戒除所有壞習慣，我哋一定幫到底。
你哋講嘅嘢係咪真係做到㗎 ？
我哋有眾多例子能夠同你分享，你只要參考真實個案分享你就會略知一二，而且我哋嘅專員亦都會詳細向你解釋，講到你明，要你真正明白我哋方案先至交俾財務公司。
點解你哋咁似教會同社工嘅？ 借錢咋喎，要搞咁多野？
如果你咁諗嘅話，我哋真係好唔適合你，因為我哋嘅貸款方案與坊間係非常不同，我哋真心想幫每一個客人解決問題，但係大前提係客人自己本身都必須明白問題嘅根本，點樣能夠解決，一齊去面對呢個問題，我哋先至能夠幫到你真正渡過呢個財政難關。而且客人因為一啲壞嘅習慣，壞行為而導致到債務越滾越大，加上唔能夠明白問題喺邊一度的話，我哋係冇辦法能夠幫得到佢，因為我哋唔希望見到我哋客戶問題解決唔到嘅同時，而且令到客人嘅供款壓力越來越大。